سنجاره وعبده انا
حنا لها حنا لها
جل اجلها وإجلالها
والارض لاجلاله تزم
سلمى واجا وأجبالها
بالعز ماضيها العظيم
في دور حاتمها الكريم
واليابغوا اهل الكرم
حنا لها حنا لها
أنا الطنايا مسندي
في كل جودي وجهدي
والهم عني ينجلي
بنوماس فعل ابطالها
مجد الطنا هو علمنا
وسلم المعزه سلمنا
حنا الطنايا كالبحر
والذلهو دنا لها
عدونا يشوف القهر
لادقت طبول الخطر
نسقيه حتى يرتوي
من ظيمها وإذلالها
لاجاه غازينا فزع
هارب ومن يومه جزع
اليا نوو راسه هفى
وخلى الديار بمالها
لليوم صوت المجزره
لاشفت كبر المقبره
كثر الأوادم ملها
ومن زارها ينعالها
سنجاره وعبده انا
واسلم وطنيتنا بنا
شلنا مثل حمل الجمل
ولانحس بأثقالها
بإسم الطنا تبشري
وقظي الجدايل وانثري
لعيون كسب الطايله
حشيمتك نسعالها
لأكرم قبيله منتمي
وبالشمريه محتمي
حنا علم عند العرب
وموازنين عدالها
للطيب سرت بمقدمي
وماني خفي ومبهمي
حنا سناعيس الجبل
والموت هاب قبالها
سنجار هابتها البشر
هم صامدين" كالحجر
من قوهم كل الأمم
حيتلها بإقبالها
وعبده سيوف مجربه
بسيف" وخيل مدربه
بنخوة سناعيس الفخر
القاع زل زلزالها
واسلم دخيله مستريح
والجار عنده مايصيح
مايشتكي جور الزمن
كثير منهو قالها
شمر مباديها رقن
بأعلى المقامات سبقن
بهمه رقوها كالعلم
ولادنست منزالها
شمر معزه للرفيق
ومن الخوي لامانظيق
وبيوت شمر لابتي
يفوح ريح دلالها
هذا كلام الشمري
ماقالها متذمري
بكل القبايل لاحشا
له هقوة" برجالها
حنا لها حنا لها
جل أجلها وإجلالها
والارض لاجلاله تزم
سنجار وكل جبالها
.....زعال الشمري.....
