هاض القريح اليوم حزة مسيان
في مدح شيخٍ له مقامٍ و سامي
شيخٍ ليا كثرت حموله بليهان
زم الحمل من فوق متنه وقامي
مواقفه مشهودة (ن) بين الاعيان
ويمناه تروي بالعطا كف ظامي
فهد ابن جزاع علمه لنا بان
وان مامدحت الشيخ جاني ملامي
من لابتن يوم الوغى شانها شان
هذا كلام الصدق ماهو كلامي
وعندي على قولي دلايل وبرهان
من دفتر الامجاد فعل الحشامي
شاهدهم التاريخ في ماض الازمان
دورٍ مضى مع قو ضرب الحسامي
يوم العرب مابين طاعن وطعان
بمصقلٍ يكسر قوي العظامي
ياكم راح من المعادين شجعان
وكم من عقيدن راح راسه عدامي
ربعه هل البارود ياقيل نشمان
وهب وهب ياجاء وقت الزحامي
قال القديري يوم زوغات الاذهان
اليا عضلنا فالمحمد حزامي
جموع المحمد ياغشى الجو دخان
في ساعتن به اشهب الملح حامي
عدوهم من حربهم راح خسران
وعلى الرفيق مزون خير وغمامي
جابوا لنا اللحيسه مطاليق الايمان
نوماس شمر كلها بالتمامي
وفهد خذا عاداتهم ورث جدان
عريب منسب من خوال وعمامي
نسل الشمالي الشيخ ظاهر كحيلان
ساعة لفنه لابسات اللثامي
ترملن باسباب غدرات الاخوان
يوم الجليده جعلها للهدامي
قال انا ذراهن دام وقت الزمن شان
ومن يجحد المعروف عله يضامي
والله ماننسى يلو كان ماكان
افعال سمحين الوجيه الكرامي
وهالحين يومنه تساوت بالاوطان
بظل المليك الفذ نسل الامامي
هذا حفيده حط قصرن وديوان
مدهال دسمين الشوارب مقامي
له مجلسٍ شامخ كما ضلع رمان
وفيه الرجال افواج صبح وظلامي
يستاهل التمجيد شكرن وعرفان
نسل الشيوخ اللي تفك الجهامي
يابن بدر قلت القصايد والالحان
ولالي وراها غير مدحك مرامي
وختامها عنبر ومسك (ن) وريحان
واقبل تحياتي مع ازكى سلامي
في مدح شيخٍ له مقامٍ و سامي
شيخٍ ليا كثرت حموله بليهان
زم الحمل من فوق متنه وقامي
مواقفه مشهودة (ن) بين الاعيان
ويمناه تروي بالعطا كف ظامي
فهد ابن جزاع علمه لنا بان
وان مامدحت الشيخ جاني ملامي
من لابتن يوم الوغى شانها شان
هذا كلام الصدق ماهو كلامي
وعندي على قولي دلايل وبرهان
من دفتر الامجاد فعل الحشامي
شاهدهم التاريخ في ماض الازمان
دورٍ مضى مع قو ضرب الحسامي
يوم العرب مابين طاعن وطعان
بمصقلٍ يكسر قوي العظامي
ياكم راح من المعادين شجعان
وكم من عقيدن راح راسه عدامي
ربعه هل البارود ياقيل نشمان
وهب وهب ياجاء وقت الزحامي
قال القديري يوم زوغات الاذهان
اليا عضلنا فالمحمد حزامي
جموع المحمد ياغشى الجو دخان
في ساعتن به اشهب الملح حامي
عدوهم من حربهم راح خسران
وعلى الرفيق مزون خير وغمامي
جابوا لنا اللحيسه مطاليق الايمان
نوماس شمر كلها بالتمامي
وفهد خذا عاداتهم ورث جدان
عريب منسب من خوال وعمامي
نسل الشمالي الشيخ ظاهر كحيلان
ساعة لفنه لابسات اللثامي
ترملن باسباب غدرات الاخوان
يوم الجليده جعلها للهدامي
قال انا ذراهن دام وقت الزمن شان
ومن يجحد المعروف عله يضامي
والله ماننسى يلو كان ماكان
افعال سمحين الوجيه الكرامي
وهالحين يومنه تساوت بالاوطان
بظل المليك الفذ نسل الامامي
هذا حفيده حط قصرن وديوان
مدهال دسمين الشوارب مقامي
له مجلسٍ شامخ كما ضلع رمان
وفيه الرجال افواج صبح وظلامي
يستاهل التمجيد شكرن وعرفان
نسل الشيوخ اللي تفك الجهامي
يابن بدر قلت القصايد والالحان
ولالي وراها غير مدحك مرامي
وختامها عنبر ومسك (ن) وريحان
واقبل تحياتي مع ازكى سلامي
