قلبي يكن وبالهواجيس مزحـوم
وعينـي لذيـذ النـوم طـاري يلـده
بيتن بلا ساس لا شك مـهـدوم
لابــد مــاالايــام تــســرع بــهــده
وش عاد لو راعيه بالمال مـردوم !
مـالـه كثـيـر ولا لـقـى مــن يـعــده
ماينفعـه لامـال وقصـور وخـتـوم
يا صار ماله مـع هـل الطيـب مـده
المال بين الناس قسم(ن)ومقسوم
وكلـن عطـاه الله قـسـم(ن) يـسـده
وانا ظفرت بشـي عـدا عـن اللـوم
لامـــال لا سـلـطـان لامُـلــك جـــده
اليـا حملـت ثقـال وأزريـت ِلاقـوم
مليون واحد من يشيلـه بعِضـده
الله رزقنـي خـوة أشـنـاب وقــروم
ولا الـردي أجزيـه بالـعـون صــده
الحرد يفرد في جناحيـه ويحـوم
ويـهــد ولا الـبــوم مـامـنـه هــــده
مـازيـد بالـمـوال وعلـومـي عـلـوم
ولاودي أظِـهـر ماخـفـاكـم بـشــده
العاري الجردان" نستره" بهدوم
ومايرضي النعسان كـود المخـده
والطيبيـن علومـهـم نسمـعـه دوم
ومـــن لايــقــد الـمـرجـلـه مـاتـقــده
