اخذت القلم بالكف من رغبة الكيف
..واخترت جزل القاف قاف(ن) خفيفي
وألفت من زين التماثيل تأليف
..مثل الذهب نظمت حرف(ن) نظيفي
سطرت فوق الطرس ماهي تناتيف
..نوادر لشعر الخفيف الضريفي
نوادر(ن) ماجت علينا بتكليف
..عدلات جزلات(ن) ولابه كليفي
احلا من الشرقه ومن فية الصيف
..وأحلا من السكر لكبد الضعيفي
سطرتها وأخترتها بالمواليف
..اللي منازلهم بحيد(ن) منيفي
ربعي أليا كثرت علي الصواديف
..والوقت شان وكل شي(ن) مخيفي
ربعي هل العليا وساع المغاريف
..أهل اللحيسه يوم وقت(ن) عجيفي
عصابتي لا صار بالوقت تهديف
..هم درع جنبي بالزمان الكسيفي
وهب وهبهم والي الناس لي ريف
..ربعي المحمد نور عيني وريفي
اللي عداهم من لقاهم مناكيف
..كم عايل(ن)جاهم ويرجع معيفي
مايضربون الا بحد الهناديف
..بمصقلات الهند سيف(ن) رهيفي
والختم صلى الله على خير من شيف
..رسولنا الطاهر عفيف(ن) شريفي
صلو عليه إعداد حضره مع الريف
..وعداد من كبر لربه حليفي
الشاعر / عقيل المديسيس
..واخترت جزل القاف قاف(ن) خفيفي
وألفت من زين التماثيل تأليف
..مثل الذهب نظمت حرف(ن) نظيفي
سطرت فوق الطرس ماهي تناتيف
..نوادر لشعر الخفيف الضريفي
نوادر(ن) ماجت علينا بتكليف
..عدلات جزلات(ن) ولابه كليفي
احلا من الشرقه ومن فية الصيف
..وأحلا من السكر لكبد الضعيفي
سطرتها وأخترتها بالمواليف
..اللي منازلهم بحيد(ن) منيفي
ربعي أليا كثرت علي الصواديف
..والوقت شان وكل شي(ن) مخيفي
ربعي هل العليا وساع المغاريف
..أهل اللحيسه يوم وقت(ن) عجيفي
عصابتي لا صار بالوقت تهديف
..هم درع جنبي بالزمان الكسيفي
وهب وهبهم والي الناس لي ريف
..ربعي المحمد نور عيني وريفي
اللي عداهم من لقاهم مناكيف
..كم عايل(ن)جاهم ويرجع معيفي
مايضربون الا بحد الهناديف
..بمصقلات الهند سيف(ن) رهيفي
والختم صلى الله على خير من شيف
..رسولنا الطاهر عفيف(ن) شريفي
صلو عليه إعداد حضره مع الريف
..وعداد من كبر لربه حليفي
الشاعر / عقيل المديسيس
