بـــديـــت بــالــلــي يــنــقــري قـــرأنــــه=مــديــر الـفــلــك رب الــمـــلا سـبـحـانــه
سبـحـانـه عـــد ماسـبـحـو لـــه خـلـقـه=وعــد الحصى ورمـــل الـثــرى وديـانــه
سبحـان عظـيـم الـشـان ربــن واحـــد=مــاغــرد الـقـمــري بـجـمـيـل ألـحــانــه
سبحـانـه مـــن خـلـقـت لـيـومـي هـــذا=سـبـحـانــه وسـبـحــانــه وسـبـحــانــه
مـــن بـعــد تسـبـيـح الــولــي وذكــــره=أبـحـرت فــي بـحـر الـشـعـر والحانه
الـجــاش هـيــض ماكـتـمـت بـصــدري=شــعـــرن جــزيـــل ونـاقــيــن قـيـفــانــه
لايــاخــوي الـطـيــب مـشـعــل مــاجـــد=الـــــي عــلـــى راس الــوفـــا نـيــرانــه
حـــرن ولـــد حــــرن عــريــب الـمـجـنـى=عــلــى الـطـويـلـه رفــرفـــن جـنـحـانــه
ربـعــك هـــل الـنـامـوس عـــدن وافـــي=عـلـيـان بـيــت الـطـيــب هــــم بـنـيـانـه
قــــم ســــو فـنـجـالـن مــذاقـــه طــيـــب=وأحــــرص وبــهــر هـيـلــه وعـيــدانــه
فـنـجــال يــبــري كــــل هــمــن عــالـــق=فــي قـلـب مــن كـثــرة عـلـيـه أحـزانــه
نــويــت أبــيـــن مـاكـتـمــت بــصـــدري=عـقــب الـخـفـا مـعــاد هـــي بخفـيـانـه
أبـنـشــدك وأنــــت الـخـبـيــر الـفــاهم=والــهــرج عــنــدي مـحــكــم ٍ مـيــزانــه
ويــن الـرجـال الـلـي رســـت كالـجـبـل=مـاحـركــت كــثـــر الـهــبــوب اركــانـــه
ويـــن الـــذي يامــــن نـخـيـتـه جــــاوب=يبـري جــروح الـوقـت نـطــق لـسـانـه
ويـــن الـرفـيــق الــــي يــســر ارفــاقــه=عـلــى الـنـقـا والـطـيـب مــــع رفـقـانــه
ويـــن الـكـريـم الـــي يـنـومـس ذكــــره=بـالــمــال ولا الــجـــاه جـــــاب الـعــانــه
وأهـــل الشـجـاعـه ويــــن مـانـذكـرهـم=يادق نــاقـــوس الـخــطــر دنــدانـــه
الــــي فعـايـلـهـم شــهــد لــــه شــاهــد=ويشـهـد لـهـا ســرج الـفـرس وعـنـانـه
ويــن السـلـوم الــي علـيـهـا جـدودي=عيـنـت مــن يمـشـي بـخُـطـىَ جـدانــه
واهـــل الـنـوايـا الـصـادقـات ويـنـه=أقــفــوا كــمـــا مــزنـــن نــثـــر ودانـــــه
فـكــرت فـــي دنـيــا الــغــرور الــزائــل=والله يـكـافـيــنــا شــــــــرور أزمــــانــــه
شامت عن اهل الطيب والعز والصخى=وخـلـت كـديـش الـقـوم مـثـل حصـانـه
الــحــر أصــبــح كـالـجــراد الــدابــي=والـعـوشـقـه صــــارت لــنــا ريـحــانــه
والــذيــب يـقـنــب بـالـقـوايـل حسه=وابــا الحـصـيـن الـوقــت كـبــر شـانــه
دارت دوالـــيـــب الـــزمـــان الــمــاضــي=وخـلـت عـزيــز الـقــوم مـــع سيـسـانـه
الـعـفـن يـسـكـن بالـقـصـور الـشـمـخ=وأبــــن الـحـمـايـل قــاصـــره عمدانه
وقــلــيــل بــــــر الــوالــديــن بـوقـتي=والــجــار مـارجـلــه خــطــت جـيـرانــه
اللــي يتـطـيـب قـيــل عـقـلـه نـاقــص=حتـى الأخـو ينـسـى جمـيـل اخـوانـه
صـــــب الـمـهـيــل يـاطــويــل الـيـمـنــى=نويت اغير وجهتي والوانه
عـطـنـي عـلـومـك مـاخـذيـت عـلـومــك=يـاصـاحـبـن مـاشـفــت مــثــل أقــرانــه
الــقـــاف عــنـــدي مـايـتـوقــف أبـــــدا ً=عــنــدي قـريــحــه بـالـشـعــر مـلـيـانــه
الله عــلـــى الـــــي بـالـوكـالــه حــــــول=مـجـيـوب تـــوه مــــن صِــنِــع ّيـابـانــه
سـعــره وصـــل ميـتـيـن مـعـهــا مــيــه=مـــع مـيــة(ن) أخــــرى دبــــل أثـمـانــه
كـنــه جـبــل ثـلـجــي قــــوي الـمـلـمـس=مـايـصـعـده رجــلــن عــزومــه هــانـــه
لـكـزس مـوديــل الـصـنـع تـــوه نـــازل=ثــــلاث عــشــر الـفـيــن مــــن اوطــانــه
ال أكــس ومـطــور حـســب تصمـيـمـه=يقـطـع فيـافـي مــا حسب شعـبـانـه
مــنــوة عـلـيـلـن ذاق هـــــم وحــســـره=يصـبـح ويمـسـي فــي كثـيـر أحـزانـه
يــدي بـيــدك نـمـشـي عـلـيـه بـسـرعـه=النـفـس ضـاقــت وأصـبـحـت تعـبـانـه
نـبــي ديـــارن يـنـشــرح بــــه خــاطــر=حـبــه لـجــى وســـط المـحـانـي عـانــه
حــايـــل عـــــروس زيــنــوهــا شـــمـــر=بنـت الجبـل واخـت القصـيـد أوطـانـه
ديـــــرت يـانـابـيــع الــكـــرم هـــداجـــه=أحــفـــاد حــاتـــم والـــكـــرم عــنــوانــه
شــمــر هــــل الــــردات تـــــاج الــعـــزه=شــمـــر مــواريـــث الـطــنــا طـنـيــانــه
سـلـمــى وأجــــا حـلـيـلـهـا بـالـمـوطــن=والــســمـــراء اوجــلــديـــه ورمــــانــــه
وقـصــر ٍ مـنـاراتــه شــمــوخ الـهـيـبـه=قــصــرن بــنــوه شـيـوخـنــا بــرزانـــه
هــــم الــدُهَــاةَ الــــي بــنــوا بالـعـلـيـا=قــصـــر ٍ طـويــلــن ثــابــتــه عــمــدانــه
هـــم الـشـجـر مـثـمــر ثـمـرهــا طــيــب=منهـل صـفـا يــروي عـطـش ضميـانـه
هــم الرشـيـد اهـــل الـفـعـل والحـنـكـه=حــكـــام دولـــــه وأرهــبـــوا عــدوانـــه
ســــلام يــاديــرت مــضـــارب لابـــــه=ســــلام طـيــبــن فـــــاح بـــــه دخــانـــه
ســلام يـاديــرت هـــل الـطـيـب والـعــز=لـجـبـالـهــا وسـهـولــهــا وريــضــانــه
ســـــلام يـاطـلــحــه وأثـــلـــه ونــبــتــه=ســــــلام شــفــقــان لـــقـــى شـفـقــانــه
ســـــلام يـانـسـمــة هـــــواه الـــزاكـــي=ســــلام يــانــور الـفـضــى وضـيــانــه
ســــــلام يـــــــادار الــــســناعيس شمر=ســــــلام يــاحــايـــل عـــــــدد هــتــانـــه
فــيــك الاصــالــه طـيـبـهــا ومـعـدنـهــا=وتــاريــخ يـحـكــي قـصـةٍ لــك صــانـــه
هــــذي مــنــارة مــــن تــصــدر طـيـبــه=الـعــجــم والاكــــــراد مــــــع عــربــانــه
الـمــوقــده تــبــقــى دلـــيـــل الـــذكـــرى=وهــــذي مـعـالــم قــصــره وجــدرانـــه
بـتـــــوران وكـــــل الـــعـــرب تـعـنــالــه=لـجـل تـشـوف الـطـيـب فـــي بـرهـانـه
قــلـــت الـشــعــر وابـيــاتــي الـمـعـنـيـه=وافـرغــت جـعـبــة شــاعــرن طـربـانــه
جـــاك الـقـريــح وصــــل عــــد بـيـوتــه=عــلــى نـبـيــن مـــــن نــســـل عـدنــانــه
