طعنة غدر

( طعنة غدر )

البارحه قلبي به الضيق يرزم=الناس نوما والسهر مبتليني
جتني سحايب هم رشت علي غم=ودموع عيني سيلت بالجبيني
والله ماقسى من ظليمة بني عم=الا ظليمة شخص معطيه عيني
والله طعنه ... ينتثر عقبها دم =اخف من طعنة غدر / تبتليني
من صاحبٍ خلته وفيٍ محشم=واثره خبيثٍ واكرمنه ييدييني
الوقت علمني وانا صرت اعلم=لابد تفهمني... ولو بعد حيني
الشمس تشرق ياتي الليل يظلم=والليل عقبه ... نور شمسه يبيني
المي صبه ... / كانه النار تضرم=تخلف رماد يطير ... ياهب شيني
صوتي ينادي لكن انه .... تلعثم=من واقع الدنيا ... ترى شايفيني
تبي الرفيق الي على السر يكتم=دق الحديد اتشوف صلبه يليني
اما يجي صاحبك.. أنعم واكرم=ولا الردى والعيب عنده قريني
ياكم خاوينا من الناس ياكم=الي صفالي يمكن انه ثنيني
الموج يلطم بي على شاطي اليم=غرقت لكن ... سلم الله سنيني
مالي جدا ياكود..( ياللهِ ترحم )=حالي وضعفي والقهر والغبيني
ولالي امل ياكود يالله... تختتم=عمري وانا يالله ... مؤمن بديني
ولالي سوا / يارب حواء وأدم=تملا حياتي بطاعتك ../وتهديني