صورتك شي ماصار

لبيه يالي صورتك شي ماصار=ربي جمالك زوده عقلٍ ودين
لبيه يالي بالوصِف فيك احتار=على جميع الغيد بالزين تطغين
مره لقيتك جالسه بين الازهار=اخجل حضورك كل ورد البساتين
كل الزهر من روعَتِكْ شفته ايغار=لاشم عطرك حين جنبه تمرين
انفاسك اشبه بالوصف ريح الامطار=والخصر عرضه هقوتي دون شبرين
والعين عين الحر لاحدد وطار=والرمش صفة جيش باقوى الميادين
وجهك قمر تضوي من الخد انوار=بشرت طفوله باقيه فيك للحين
وحكيك احسه ممتلي كله اشعار=الحان ضحكاتك ترا يوم تحكين
كل شي يتسابق لكفك لا تختار=عطرك واشيائك وحتى الفساتين
لأن كفك لامسك اي شي صار=اجمل واحلا لـ انك الي تحلَّين
يالي جنابك حضرته يضوي الدار=الدار ضلمه حين عنه تغيبين
بعدك شقى حتى ولو كان امتار=مقوا غيابك طالبك لاتغيبين
نعم احبك قلتها سر واجهار=حبك بوسط الدم عبى الشرايين
اقدار دنيانا وياحلو الاقدار=لاصرت انا الي في حياتك تمنين