صدري شمالي ولكن ضاقبي صدري=الله يجازي حبيبي دوم مشقيني
الصبر طوّل وخوفي يملني صبري=والنفس ضاقت وعافت نومها عيني
اصبح غرامك بدال الدم بي يجري=ضميان ودي سحابك يوم يسقيني
أذكر زمانٍ مضى وارميه في جمري=وافرك يديني واكرر فركت ايديني
اضحك واجامل ماودي عاذلي يدري=واشكي همومي مابينِ نفسي وبيني
دايم تجاهل غرامي انت ماتدري=ان المشاعر من اجروحك تعزيني
لاصرت وحدي اخاف اموت من قهري=اشق ثوب الحزن ( ترجع وتكسيني )
والله لو تبتعد ماظن احد كثري=يعشق غرامك لو انه دوم يكويني
تكفى كفايه تراني شبت في صغري=كنك توسل لربك مايهنيني
طول غيابك وطال الصد ياعمري=الله حسيبك احبك وانت ناسيني
