يالبيض خلتكن مضاوي وراها=تسيدتكن يالبني الغنادير
شيخه ومزيونه ويفتن حلاها=ياويلكن يالابسات التنانير
جتكن عنود الصيد تقصر خطاها=خطوة زعيمٍ دقو لجيته زير
بنت الشيوخ اللي يذري ذراها=هل السيوف اللي تقص اﻷباهير
في حزة اللقوات تلطم عداها=هل العطا .. يوم الليال المعاسير
بالزين محدن .. واصلً مستواها=لا بالجنوب ولابشمر ولامطير
العين عين اللي بشوفه تباها=حرً مع محمد زبون المخاسير
والخد براقً شعل في سماها=في ليلةً غدرً مع الوسم تبكير
والرمش صفت عسكرٍ تو جاها=أمر أصطفاف وصفو أبدون تاخير
والعنق عنق اللي تلفت وراها=أيذيره بالروض حس العصافير
عندل عنود صغيراتً شفاها=والصدر تفاحه غضاضً مزابير
ربي من الملح الطبيعي عطاها=ماحطت المكياج والا مناكير
عمهوجةً والليل الاسود كساها=أسود مثل بشتً مع شيخ وأمير
ويالبيض خلتكن مضاوي وراها=تسيدتكن يالبني الغنادير