اليوم عشر أيام والوسم بادي=والناس تطلب وجه ربي وترجيه
يالله بنون للبلد والعبادي=نون يعل القاع والعرق يسقيه
واليوم عشر ايام عقب العيادي=حفل الطواله جيت عاني وابحييه
شيوخنا هل الوفاء والمبادي=اخوان صلفه ياغدا الراي به تيه
شيوخ الاسلم درعنا والسنادي=من ماضي الايام الى وقت حاليه
في حفل ابن برغش وريث الشدادي=نمر من الخفجي تعنيت اهنيه
ماجيت ادور مدح والا ازديادي=الشمري لو هو ورى الصين ابجيه
لاصار مامن ظرف والجو هادي=نجي الرفيق وكامل الحق نوفيه
وسلام من شاعر بيوته جدادي=للحفل واهل الحفل واللي حضر فيه
وسلام ياشيخ(ن)تضيم المعادي=سقم الحريب اليا تعدا....حراويه
يامارثة - من ياركب - بالجوادي=قال انا اخو صلفه وانا الموت شاريه
ضاري على السودا..نهار الطرادي=ياويل - من حظه ..بحلقه يدهويه
مسقي عدوه كاس - مر -ونكادي=ضاري يهابه بالملاقا - معاديه
ياثارت الهيجا - وغلى المزادي=ضاري يبيع العمر من شان ناخيه
وصلو على الهادي نبي الرشادي=شفيعنا محمد نحبه ونغليه
صلو عليه عداد ماكان بادي=وعداد نجم(ن)يقتدي فيه ساريه
